تبلیغات
دانش بومی
  • تازه ترین مطالب:
آخرین مطالب
عقاب

عقاب

م. نگین تاجی
عقاب ار بوندن دو تا بالشه
بدن دم وره ی برد اگر چالشه

جگرش ار وری تش بنن صدولا
بسوزن سراپاشه من تش بلا

اگرتشکه تشکش کنن بی نخون
بوندن وه تیرش پرون سر پرون

اگر بی گله گاگوالش کنن
اگر زنده زنده وه چالش کنن

اگر بی تور چل پلیشش کنن
بنن سهله سینش و خیشش کنن

محاله وه مردار دل خش کنه
وه پسخون کفتار دل خش کنه

عقابم فلک جامه واپس نیام
وه دین دال و مردار و کرکس نیام

عقابم که سیمرغ همسایمه
دنا و دماوند زر سایمه

مو بی مرغ پا بهسه خو نیگرم
بجز بی تیه ی گل وضو نیگرم

در و دنگ دنیا اسیرم نکه
بجز عشق گل هیچ پیرم نکه

تلگدون دنیانه تیپا زمه
مو دریا دلم دل وه دریا زمه

وه چشمه ی شلو دلمه خش نیکنم
وه کرزنگلو دلمه خش نیکنم

بمیرم وه او منده لو نیزنم
وه خرسل تیم دلمه او ایزنم

عقابم که بی عشق بال ایگرم
من زلف دریا شکال ایگرم

دلم دایه وایه ی شکال خمه
جگر سخته ی تش خیال خمه

شکالی که تیرش خطا نیکنه
دل ایسوزه اما صدا نیکنه

این شعر زیبا از شاعر گران قدر جناب آقای مجید نگین تاجی است که در فروردین ماه سال جاری برای من ارسال اما به دلیل رها کردن وبلاگ شعر، بنده آن را ندیده بودم. ضمن خواستن عذر تقصیر آن را در سایت شخصی ام منتشر می کنم.




طبقه بندی: ادبیات شفاهی،
برچسب ها: عقاب، بال، تیر، م. نگین تاجی،
 چهارشنبه 1392/05/16  12:36    admin